Бразилиялик шифокорлар ўз юрагига тасодифан кабоб сихини санчиб олган болани қутқариб қолди. Бу ҳақда Daily Mail хабар берди.
Ҳодиса 18 январда юз берган. 11 ёшли бола уй олдида ўйнаб юрган ва кутилмаганда мувозанатини йўқотиб, орқаси билан сихлар солинган бочканинг ичига йиқилган.
Бола касалхонага олиб борилган. Шифокорларнинг айтишича, сих ҳақиқатдан ҳам юракка санчилган, чунки ҳар юрак уришида сих тебраниб турган. Сихни олиб ташлаш бўйича операция бир ярим соат давом этган.
Жарроҳнинг айтишича, болани касалхонага олиб келгунга қадар ҳеч кимнинг сихни олишга ҳаракат қилмагани уни қутқариб қолган, акс ҳолда у кўп қон йўқотиб, касалхонага келгунга қадар вафот этган бўларди.
Изоҳ (0)