Хитойнинг Шинжон — Уйғур мухтор тумани раҳбарияти янги «Буюк девор» қурилишини маълум қилди, деб хабар беради China Daily.
Шинжон жорий йилда 5,7 минг километр узунликдаги давлат чегараларида хавфсизлик чора-тадбирларини кучайтиради. Бундан ташқари, регион раҳбарияти барқарорликни таъминлаш мақсадида интернет назоратини ҳам кучайтиради.
«Биз жамоат хавфсизлиги бўйича бошқарувда бўш жой қолдирмаслик ва асосиой ҳудудлар мутлақ хавфсиз эканлигига ишонч ҳосил қилиш учун ҳамма қўлимиздан келган ишни қиламиз», — дейди регион раҳбари Шократ Закир.
У шунингдек, Шинжондаги айрим ҳудудлардаги вазият мураккаблигича қолаётганини айтиб ўтди. Минтақада инфратузилмани яхшилаш ва назоратни кучайтириш учун технологиялардан фойдаланилади.
Изоҳ (0)