Йил бошида Россиянинг Свердловск вилоятида рўй берган ва 4 кишининг умрига зомин бўлган аварияга «Екатеринбург гўзали» танлови қатнашчиси сабаб бўлди. Бу ҳақда «Газета.ru» хабар бермоқда.
ЙТҲ 8 январь куни Екатеринбург—Тюмен трассасининг ўнинчи километрида содир бўлди. Kia ҳайдовчиси бошқарувини уддалай олмай, йўлнинг қарама-қарши томонига чиқиб кетди ва Lada билан тўқнашди.
Ундаги 3 киши, жумладан, уч ёшли қизалоқ ҳалок бўлди, яна икки киши оғир жароҳат олди. Kia йўловчиси ҳам оламдан ўтди.
Kia автомобилини ҳайдовчилик гувоҳномасини уч ой аввал олган, Асбестга, ота-онасининг олдига кетаётган 20 ёшли Анастасия Трянина бошқаргани маълум бўлди. У 2017 йилда «Екатеринбург гўзали» номига даъвогарлик қилган, бироқ финалгача етиб бормаганди.
Анастасияга бир неча операция қилинди, бироқ ҳозиргача ҳушига келгани йўқ.
Изоҳ (0)