Европага Сурия ва Ироқдаги можароларда иштирок этган жангариларнинг қайтиши сезиларли, бироқ кутилганидек юқори даражада бўлмади. Бу ҳақда Европа полиция муассасаси (Европол) раҳбари Роб Уэйнрайт маълум қилди, деб хабар беради «РИА Новости».
«Биз нега шундай бўлганини билмаймиз. Улардан қанчаси ўлгани, яна қанчаси бошқа минтақаларга йўл олгани ҳам бизга қоронғу. Бироқ кўплаб ҳисобга олинмаган ва қайтиб, террорчилик фаолиятида иштирок этиши мумкин бўлган чет эллик жангчилар бор. Бу бизда энг катта ташвиш уйғотаётган муаммолардан бири», — деди Уэйнрайт.
Жорий йил Сурия ва Ироқда жанг қилган қанча одам Евроиттифоққа қайтиши мумкинлиги ҳақидаги саволга Европол раҳбари «аниқ айтолмайман, аммо улар минглаб эмас, юзлаб бўлиши мумкин. Уларнинг шахсини аниқлаш чоралари кўрилмоқда», деди.
Изоҳ (0)