Meizu компанияси янги флагман қурилмаси — Meizu 15 Plus смартфонини тақдим этишга тайёргарлик кўрмоқда, деб ёзади Hi-Tech Mail.Ru.
Яқинда интернетда унинг янги тасвирлари пайдо бўлди. Компания Meizu 15 Plus, шунингдек, Meizu 15 ни ўзининг 15 йиллигига бағишлаб чиқармоқчи. Қурилмалар 2018 йил мартидан сотувга чиқиши кутилмоқда.
Янги рендерлар смартфон чап, ўнг, шунингдек, пастки томондан ўта ингичка ромлар билан қопланишини кўрсатмоқда. Устки ром эса бошқа томонларга нисбатан бироз энлироқ. Шу тариқа, олд камера бошқа датчиклар билан бирга смартфоннинг тепа панелида жойлашади. Шунингдек, расмга кўра, қурилманинг орқа панелида қўш вертикал камера ва бармоқ изи сканери бўлади.
Meizu 15 Plus Qualcomm Snapdragon 845 ёки Exynos 8895 чипига эга бўлади. Қурилманинг нархи 562 доллар ёки ундан қимматроқ бўлиши кутилмоқда. Смартфон 6 Гб тезкор ва 128 Гб доимий ёки 8 Гб тезкор ва 128 Гб доимий хотирали версияларда тақдим этилади.
Изоҳ (0)