24 январь куни Ўзбекистонда ёғингарчилик бўлмайди

24 январь куни Тошкентда ҳаво ўзгариб туради, ёғингарчилик бўлмайди. Кечаси 1—3, кундузи 11—13 даража илиқ бўлади. Бу ҳақда ЎзА хабар бермоқда.

Қорақалпоғистон Республикаси, вилоятлар ва тоғли ҳудудларда ҳаво ўзгариб туради, ёғингарчилик бўлмайди. Айрим жойларда туман тушиши мумкин. Шарқдан секундига 7—12 метр тезликда шамол эсади.

Қорақалпоғистон Республикаси ва Хоразм вилоятида кечаси 0—5 даража совуқ, кундузи 3—8 даража илиқ, Устюрт бўйлаб кечаси 3—8 даража совуқ, кундузи 3 даража совуқ, 2 даража илиқ бўлади.

Бухоро ва Навоий вилоятларида кечаси 0—5 даража илиқ, айрим жойларда 2 даражагача совуқ, кундузи 8—13 даража илиқ, чўл ҳудудлари бўйлаб кечаси 0—5 даража совуқ, кундузи 3—8 даража илиқ бўлади.

Тошкент, Самарқанд, Жиззах ва Сирдарё вилоятларида кечаси 2 даража совуқ, 3 даража илиқ, кундузи 9—14 даража илиқ бўлади.

Қашқадарё ва Сурхондарё вилоятларида кечаси 0—5, кундузи 10—15 даража илиқ бўлади.

Андижон, Наманган ва Фарғона вилоятларида кечаси 3 даража совуқ, 2 даража илиқ, кундузи 5—10 даража илиқ бўлади.

Республиканинг тоғли ҳудудларида кечаси 1-6 даража совуқ, кундузи 2—7 даража илиқ бўлади.