Мамлакатимизда бизнес жараёнларини автоматлаштируви соҳасида фаолият олиб борадиган Венкон компанияси 2018 йилнинг 18 январь куни янги Didох деб номланган электрон ҳужжатлар алмашувини таъминловчи тизимни оммага тақдим этди.
Ушбу сервис хўжалик юритувчи субъектлари орасидаги мунсобатларда муҳим ўрин эгалловчи ҳисоб-варақалари алмашуви жараёнини соддалаштиради. Эндиликда, ҳисоб-варақалар алмашувини имзо чекилган қоғоз кўринишда эмас, балки электрон тарзда жуда осонлик билан амалга ошириш мумкин. Ҳужжатлар алмашуви бўйича амалга ошириладиган барча ҳаракатлар Didох тизимида юридик кучга эга ва қонун доирасида.
«Электрон тижорат тўғрисида»ги қонун асосида ишлайдиган ушбу тизим уч қадамда ҳужжатлар алмашувини амалга оширишга имконият яратади.
1-қадам: Ҳисоб-варақанинг шаклини тўлдириш;
2-қадам: Электрон рақамли имзо қўйиш орқали унинг юридик кучини таъминалаш;
3-қадам: Didох тизими орқали ҳамкорга юбориш.
Бу уч қадамни амалга оширишга 3 дақиқа вақт кетади.
Didох тизимида барча ҳужжатларнинг сақланиши ва ҳимоясига алоҳида эътибор ажратилган. Амалиётлар махсус булутли тизмда олиб борилиши ҳужжатларни турли кутилмаган офатлар ёки бахтсиз ҳодисалардан асрайди ва фойдаланувчи қаерда бўмасин, қайси пайт бўлмасин ўз ҳужжатларидан фойдаланиши мумкин.
Ҳисобчилар учун яна бир қулайлик шунда-ки, тизимдан фойдаланувчилар 1C дастуридан (www.venkon.uz) чиқмай туриб, тўғридан-тўғри ҳисоб-варақаларни юбориши ва қабул қилиши мумкин.
Тизим ихтирочиларнинг таъкидлашича, Didох тизимининг фойдаланувчилари ҳужжат алмашуви жараёнинга сарф қиладиган харажатларни 85% гача қисқартириши мумкин.
Ушбу тизимдан фойдаланишни ҳозироқ «Didox.uz» сайти орқали бошлаш мумкин.
Бугунги кунда, турли корхоналарда ҳамкорлар билан ҳужжатлар алмашуви жараёнига жуда ҳам кўп вақт ва харажат сарф этилиши ҳеч кимга сир эмас. Турли тадқиқодларга кўра, мутахассислар то 50% гача вақтини турли ҳужжатларни қоғозга кўчириш, қоғоз кўринишидаги ҳужжатларни излаш ва ҳамкорлар билан имзолаш жараёнига кетқазар экан. Бундан ташқари корхоналар қоғозли ҳисоб-варақаларни ҳамкорларга етказиш ва уларни имзоланган ҳолатда қайтариб олиш жараёнига катта пул сарф қиладилар, айниқса, агар ҳамкорлар бошқа вилоят ёки шаҳарда жойлашган бўлишса, бу иш янада қийинлашиб боради. Didох тизими корхоналарни ва ҳисобчи мутахассисларни бу борадаги муаммоларини ҳал этишга кўмаклашади.
Реклама ҳуқуқи асосида!
Изоҳ (0)