Бошқирдистоннинг Уфа шаҳрида 23 ёшли қизни пичоқлаб ўлдирган ўзбекистонлик Али исмли йигит шаҳар касалхонасида ўзига келмай оламдан ўтди. Бу ҳақда «Ufa1.ru» хабар бермоқда.
Фожиа ўтган йилнинг 20 декабрида Черниковка кичик туманининг «Победа» дўконида рўй берганди. Кечки пайт дўконга қиз қочиб киради, унинг ортидан дарғазаб йигит бостириб келиб, «Ҳеч кимники бўлмайсан» деб пичоқ билан ташланади.
Терговга кўра, 26 ёшли айбланувчи қизга 11 маротаба пичоқ урган. У олинган жароҳатлар оқибатида воқеа жойида ўлди, ўзига ҳам пичоқ урган йигит эса касалхонага олиб кетилди.
Кейинчалик қизнинг исми Шаҳноза эканлиги, Али билан интернетда танишгани маълум бўлди. Икки ой давом этган муносабатлардан сўнг Али қизга турмушга чиқишни таклиф қилади, бироқ рад жавобини олади. Жиноятга шу сабаб бўлгани билдирилмоқда.
Изоҳ (0)