Туркия Сурия шимолида «Демократик Сурия кучлари» коалициясидан Вашингтон томонидан қўллаб-қувватланадиган курдларга қарши авиаҳужумлар уюштиришни режалаштираётгани ҳақида АҚШни олдиндан огоҳлантирган. Бу ҳақда АҚШ мудофаа вазири Жеймс Мэттис айтиб ўтди, деб ёзади «ТАСС».
«Туркия ошкора иш тутди. Улар авиация юбориб, буни амалга оширишдан олдин, бизни огоҳлантирди, биз билан маслаҳатлашди», — деди Пентагон раҳбари.
«Ҳозир эса биз бундан кейин қандай йўл тутиш устида ишлаяпмиз. Биз буни бир ёқли қиламиз», — дея ишонтирди вазир.
Туркия қуролли кучлари Суриянинг Африн минтақасидаги қуролланган курд бўлинмаларига қарши қуруқликдаги ҳарбий операцияни амалда бошлагани ҳақида 20 январь куни Эрдўғон эълон қилган эди.
Изоҳ (0)