Бердақ номидаги Қорақалпоқ давлат университети 2017/2018-ўқув йилида абитуриентлар ва ота-оналар истагини инобатга олиб, 332 нафар талабани қўшимча оширилган контракт тўлови асосида ўқишга қабул қилди, дея хабар бермоқда ЎзА.
Ушбу талабаларнинг аксарияти чет тиллари йўналишини танлаган. Оширилган контракт тўлови асосида таҳсил олаётганлар орасида тўлов-контракт пулининг 25 баробар оширилган ставкаси (246 миллион 250 минг сўм) бўйича ўқиётганлари ҳам бор.
Мен икки йил ўқишга ҳужжат топшириб, баллим озгина етмай қолгани боис талаба бўлолмай қолгандим. Чет тилларига қизиқишим катта, шу боис инглиз тилини пухта ўрганиш мақсадида ота-онам билан маслаҳатлашиб, тўлов-контракт пулининг оширилган ставкаси (10 карра) бўйича ўқишга қарор қилдим. Мен учун муҳими вақтдан ютиш. Оширилган ставка бўйича талабаликка қабул қилинганимдан жуда хурсандман. Сабаби, орзунинг ушалмаслиги руҳият учун жуда оғир зарба бўлишини бошимдан ўтказганман.Ўзбекистон ҳукуматининг «Олий таълим муассасаларига қабул қилиш, талабалар ўқишини кўчириш, қайта тиклаш ва ўқишдан четлаштириш тартиби тўғрисидаги низомларни тасдиқлаш ҳақида»ги 2017 йил 20 июнда қабул қилинган 393-сонли қарорига биноан 2017/2018-ўқув йилидан бошлаб олий таълим муассасаларига бакалавриат ва магистратура босқичига талабаларни қабул қилишнинг янги тартиблари белгиланиб, унда қўшимча контрактларнинг оширилган миқдори тасдиқланган эди.Шаҳсанем Хўжабаева, чет тиллари факультети талабаси
Изоҳ (0)