Хитой мезбонлигида давом этаётган 23 ёшгача футболчилар ўртасидаги Осиё Чемпионатида ярим финалга биринчи бўлиб Ўзбекистон терма жамоаси йўлланма олди.
Ўзбекистон — Япония ўйини ҳалок бўлган 52 ўзбекистонлик хотираси учун 1 дақиқалик сукут билан бошланди (видео)
Равшан Ҳайдаров бошчилик қилаётган жамоа чорак финалда Японияни имтиҳондан ўтказиб, 4:0 ҳисобида зафар қучди. Бунга қадар кунчиқар юрт термаси гуруҳ босқичини 100 фоизлик натижа билан якунлаган бўлса, Ўзбекистон турнирни Қатардан қабул қилиб олинган мағлубият билан бошлаганди.Деярли бир ой ичида Япония ва Ўзбекистон терма жамоалари икки бор тўқнаш келди. Таиланд мезбонлигида ўтган М—150 халқаро турнирининг финалида 2:2 ҳисоби қайд этилган ва ўзбекистонлик футболчилар пенальтилар сериясига кўра зафар қучганди. Бу сафар улар рақибга имконият қолдирмади.
Япония Осиё Чемпионатига энг ёш таркиб билан етиб келганди. Улар асосий мақсад сифатида Токио—2020 Олимпиадасини олган бўлиб, 1997 йилдан катта футболчиларни мусобақага олиб келмаганди.
Ярим финалда Ўзбекистон термаси Жанубий Корея ва Малайзия жуфтлиги ғолиби билан куч синашади. Беллашув 23 январь куни Куншан шаҳрида бўлиб ўтади.
Осиё Чемпионати U23 Чорак финал 19 январь, жума
Япония — Ўзбекистон 0:4
Голлар: Жавоҳир Сиддиқов, 31 (0:1). Достон Ҳамдамов, 34 (0:2). Жасур Яхшибоев, 39 (0:3). Жасур Яхшибоев, 47 (0:4).Ўзбекистон: Ботирали Эргашев — Рустам Ашурматов, Акром Комилов, Аббос Отахонов, Азиз Ғаниев, Одил Ҳамробеков (Абдужамол Исроилов, 86), Жасур Яхшибоев, Забиҳилло Ўринбоев (Дониёр Нарзуллаев, 82), Жавоҳир Сиддиқов (Бобур Абдухолиқов, 75), Достон Ҳамдамов, Достонбек Турсунов.
Изоҳ (0)