Олмазор тумани ИИБ ҳузуридаги тергов бўлими томонидан гиёҳвандлик воситаларини қонунга хилоф равишда сақлаш ҳолати бўйича Равшан Иноғомовга нисбатан қўзғатилган жиноят иши юзасидан тергов ҳаракатлари олиб борилмоқда. Бу ҳақда ИИББ матбуот хизмати маълум қилди.
Тошкент шаҳар ИИББ ходимлари томонидан олиб борилган тезкор ҳаракатлар натижасида гиёҳвандлик воситаларини қонунга хилоф равишда сотиш билан шуғулланиб келган 1980 йилда туғилган Фаррух Тошпўлатов аниқланган. У 12 январь куни Олмазор тумани ҳудудида Иноғомовга оғирлиги 2,34 грамм бўлган марихуанани 300 минг сўмга сотган.
Мазкур ҳолат юзасидан Олмазор тумани ИИБ ҳузуридаги тергов бўлими томонидан Ф.Тошпўлатовга нисбатан ЖКнинг 273-моддаси 2-қисми (гиёҳвандлик воситаларини озгинадан кўпроқ миқдорда қонунга хилоф равишда ўтказиш) билан айблов эълон қилинди.
Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.
Изоҳ (0)