18 январь куни Нью-Йоркда Ўзбекистон Республикаси Ташқи ишлар вазири Абдулазиз Комилов Россия Федерацияси ташқи ишлар вазири Сергей Лавров билан учрашди, деб ёзади ТИВ ахборот хизмати.
Мулоқот чоғида томонлар икки томонлама ҳамкорликка оид масалалар юзасидан фикр алмашди.
Таъкидланишича, 2017 йил Ўзбекистон—Россия муносабатлари тарихига олий ва бошқа даражалардаги ўзаро алоқаларнинг янада фаоллашгани, ҳам анъанавий соҳаларда, ҳам янги йўналишларда ўзаро ҳамкорлик кенгайтирилгани ва чуқурлаштирилгани билан киради.
Учрашувда Ўзбекистон Президенти Шавкат Мирзиёев ва Россия президенти Владимир Путиннинг турли шаклдаги учрашувларида эришилган келишувларни амалга ошириш бўйича амалий қадамларга алоҳида эътибор қаратилди.
Томонлар минтақавий хавфсизлик, Афғонистондаги вазият ва келгусидаги амалий учрашувлар юзасидан фикр алмашди.
Изоҳ (0)