Chevrolet Bolt АҚШда 2017 йилнинг энг яхши автомобили деб эътироф этилди

Детройтдаги моторшоуда «Шимолий Америкада йилнинг энг яхши енгил автомобили ва йўлтанламаси» танлови ғолиблари эълон қилинди, деб ёзади «Мотор».

Енгил машиналар категориясида биринчи ўринни Honda Accord седани эгаллади, энг яхши кроссовер сифатида Volvo XC60 тан олинди, катта йўлтанламаслар орасида эса биринчилик Lincoln Navigator’га насиб қилди.

Енгил автомобиллар йўналишида ғолибликка Accord билан бир қаторда Toyota Camry ва Kia Stinger ҳам даъвогарлик қилди. «Йилнинг энг яхши кроссовери ёки минивени» йўналишида биринчи ўрин учун Volvo модели билан биргаликда Alfa Romeo Stelvio ва Honda Odyssey кураш олиб борди.

2016 йилда кроссоверлар ичида бошқа Volvo модели — ХC90 ғолиб бўлган эди. Бунгача йўлтанламас танловда 2003 йилда ютиб чиққан эди.

«Йил йўлтанламаси ёки пикапи» йўналишида финалчилар орасида Navigator’дан ташқари Ford Expedition ва Chevrolet Colorado ZR2 ҳам бор эди.

АҚШда 2017 йилнинг энг яхши автомобиллари деб Chevrolet Bolt, Honda Ridgeline ва Chrysler Pacifica эътироф этилди. Chevrolet Bolt ихчам электрокари «Шимолий Америкада йилнинг энг яхши енгил автомобили, йўлтанламаси ва утилитар машинаси» танловида ғолиб бўлди. У баллар сони бўйича Genesis G90 ва Volvo S90 флагман седанларини ортда қолдирди.