АҚШ давлат департаменти Озарбайжонни ҳибсга олинган журналист Афган Мухтарлини озод қилишга чақирди, деб хабар берди «Газета.ru».
Мухтарли контрабанда ва давлат чегарасини ноқонуний кесиб ўтиш айблови билан олти йилга озодликдан маҳрум этилган эди.
«АҚШ озарбайжонлик журналист Афган Мухтарлига чиқарилган ҳукмдан хавотирда. Биз Озарбайжон раҳбаридатидан уни озод этишни қатъий талаб қиламиз», — дейди департамент вакили Хизер Науэрт.
Науэртнинг қўшимча қилишича, Вашингтон ҳукмга сиёсий масалалар сабаб бўлган дея ҳисоблайди.
Мухтарли 2014 йилдан буён Грузияда яшаб келган ва даромадларини яширишда айблангани сабаб Озарбайжон таъқибидан яшириниб юрган. Ўтган йилнинг 29 май санасида у озар-грузин чегарасида қўлга олинган ва ҳуқуқ-тартибот ходимлари томонидан Бокуга олиб келинган. Журналист яқинларининг айтишича, Мухтарли чегарани ўзи кесиб ўтмаган, балки махсус хизмат вакиллари томонидан ўғирлаб кетилган.
Изоҳ (0)