Калифорния штатининг жанубий қисмида содир бўлган сув тошқинлари ва кўчкилар оқибатида ҳалок бўлганлар сони 18 кишига етди. Бу ҳақда Санта-Барбара округи шерифи Билл Браунга асосланиб «ТАСС» хабар берди.
Аввалроқ, табиий офат 17 кишининг умрига зомин бўлгани ва 30 га яқин киши жароҳатлангани ҳақида хабар қилинган. 12 январь, жума куни қутқарув хизмати ходимлари кўчки оқибатида яна бир одамнинг — 87 ёшли эркакнинг жасадини топди.
Ҳукуматнинг ҳисоб-китобларига кўра, 60 га яқин уй буткул вайрон бўлган, қарийб 450 та уй зарар кўрган. 8 январь куни Калифорниянинг жанубида кучли ёғингарчиликлар бошланган эди, штатнинг баъзи ҳудудларида эвакуация ҳолати эълон қилинган. Баъзи одамлар ўз уйларини тарк этишдан бош тортган.
Изоҳ (0)