Шоҳжаҳон Эргашев vs Сони Фредриксон. Жангга 24 соатдан кам вақт қолди. Тарозида жанжал келиб чиқди (видео)

Ўзбекистонлик чарм қўлқоп устаси Шоҳжаҳон Эргашев бугун — 12 январь оқшомида америкалик Сони Фредриксонга қарши жанг ўтказади. Беллашув Тошкент вақти билан 13 январь тонгига тўғри келади.

Шоҳжаҳон Эргашев 18 та жангининг барчасида зафар қучган америкалик Сони Фредриксонга қарши рингга чиқади

Проф рингда 11 та жанг ўтказиб, уларнинг барчасида рақибларини таслим қила олган Эргашев мазкур жангида ҳам зафар қучса, ўз вазн тоифаси рейтингида кучли 10 таликка кириб олади. У айни пайтда чемпионлик камари учун бўлган йўлни муваффақиятли босиб ўтмоқда.

Persona. Шоҳжаҳон Эргашев проф рингда Фазлиддин Ғоибназаров билан тўқнаш келишни истамайди. Нега?

Бироқ рақибда статистика ажойиб кўринишга эга. Фредриксон фаолияти давомида 18 бор проф рингга кўтарилган ва уларнинг барчасида рақибларини таслим қилишга эришган. 12 та жангда Сони қаршисида турган боксчиларни нокаутга учратишга эришган.

Persona. Шоҳжаҳон Эргашев кўча безориси эмас. У қўли синиб кетганида ҳам ўз жангида ютиб чиққанди (видео)

Икки енгилмас боксчи ўртасидаги жангга Нью-Йоркдаги Turning Stone Resort Casino in Verona ринги мезбонлик қилади. Бир неча соат олдин чарм қўлқоп усталарини тарозига тортиш маросими бўлиб ўтди ва унда кичик жанжал келиб чиқди. Бу борадаги видео Шоҳжаҳон Эргашевнинг YouTube’даги каналига жойлаштирилди.