Тез ўқишни қандай ўрганиш мумкин? 4 та синалган қадам
Замонавий одамнинг, кўп қисми китоблар орқали етиб келадиган катта ҳажмдаги маълумотларни ўзлаштиришига тўғри келади. Тез ўқишни қандай ўрганиш мумкин?
Фото: Shutterstock
Гап бадиий адабиёт ҳақида эмас – биз уни «ўзимиз учун» ўқиймиз, балки ўз-ўзини ривожлантиришга, профессионал ўсишга ёрдам берувчи китоблар ҳақида кетяпти.
Бундай адабиётларни тез ва самарали ўқишга ўргатадиган малакаларга эга бўлишга ёрдам берувчи бир неча маслаҳатлар билан танишинг.
Мунтазам равишда ўқишга ўрганинг
Ҳатто сизнинг ўқиш учун умуман вақтингиз бўлмаса ҳам, хоҳ одамлар ичида бўлсин, хоҳ шовқин жой бўлсин барибир ўзингизни диққат билан китоб ўқишга мажбур қилинг — бу ҳар қандай вазиятда ҳам ўқиётган китобингизга диққатингизни жамлай олишга ўргатади.
Ўқиш учун тўғри ҳолат
Кўпчилик ётиб ўқишни маъқул кўради ва бу билан жуда катта хатога йўл қўяди. Балки бундай ҳолат бадиий адабиётлар ўқиш учун мос келиши мумкин, лекин бошқа турдаги, кўпроқ ихтисослаштирилган китоблар ўқиш учун мутлақо тўғри келмайди.
Самарали ўқиш учун энг яхши вариант – гавдани тўғри тутган ҳолда ўтириш. Бу мияга кислороднинг яхши етиб боришини ва бунинг натижасида маълумотларнинг тезроқ ўзлаштирилишини таъминлайди.
Кўз ва китоб орасидаги энг оптимал масофа — 30–40 см, шунда кўзлар камроқ ҳаракат қилишига тўғри келади ва улар камроқ чарчайди.
Организмни энергия билан таъминлаш
Мураккаб мавзуни ўрганиш учун диққатни тўплаш керак бўлади, бир неча соат давомида қаттиқ фикрлаш чарчоқликни ва организм ҳаётий тонусининг пасайишига олиб келади. Шунинг учун ҳар ярим соат-бир соатда танаффус қилиш ва уларни жисмоний фаоллик билан ўтказиш тавсия қилинади. Унчалик қийин бўлмаган жисмоний машқлар мияда қон айланишини яхшилайди ва мавзу устида самарали ишлашда организмга янгича қувват бағишлайди.
Ўқиш аниқ бир мақсадга қаратилган бўлиши керак
Олдингизга амалий мақсад қўйинг: бу китобдан айнан қайси маълумотни олмоқчисиз ва кейин сиз уни тажрибада қандай қўлламоқчисиз? Балки сизга зарур бўлган маълумот қайсидир бўлимда бўлиши мумкин ва у ҳолда сизнинг катта ҳажмдаги материалнинг ҳаммасини ўқишингизга тўғри келмайди.
Изоҳ (0)