АҚШ Давлат департаменти ўз сайтида дунёнинг барча мамлакатлари тўртта тоифага бўлинган интерактив харитани жойлаштирди. Бу ҳақда «РИА Новости» хабар бермоқда.
Биринчи тоифага киритилган давлатларга америкаликлар оддий хавфсизлик чораларига риоя этиб бориши мумкин. Иккинчи тоифага ҳушёрликни ошириш талаб этиладиган мамлакатлар жамланган.
Учинчи тоифадан ташрифларни қайта кўриб чиқиш ва хавфсизлик борасидаги жиддий хатарлар туфайли боришдан тийилиш тавсия қилинган давлатлар ўрин олди. Улар қаторига Россия ҳам киритилди.
Тўртинчи гуруҳга АҚШ фуқароларига бориш умуман тавсия этилмайдиган 10 дан ортиқ давлат, жумладан, Афғонистон, Ироқ, Эрон, Ливия, Шимолий Корея, Жанубий Судан, Сурия ва Яман киритилди.
Изоҳ (0)