Facebook ижтимоий тармоғида фойдаланувчилардан бири халқ таълими вазирининг ўринбосари Алишер Саъдуллаевга мактаблардаги «Билимлар беллашувлари» ғирт кўзбўямачилик, тарафкашлик, «гаплашиш», «келишиш» каби ҳолатлар асосида ўтаётгани ҳақида мурожаат қилган, деб ёзади «Халқ сўзи» газетаси.
Ёш вазир ўринбосарининг масалага жиддий ёндашишига, бунда унинг ёш йигитлиги, ҳали бузилиб улгурмагани ва бузилмаслигига умид билдирилган.
Маълум қилинишича, «Билимлар беллашуви» фан олимпиадасида фойдаланувчининг қизига мутахассислар Абдулла Қодирийдан ҳар хил саволлар беришган.
«Зайнабдан, Отабекдан. Қизимнинг жавобини эшитиб, улардан бири отангга раҳмат дебди. Жуда қувондим. Аммо фарзандимнинг кўзида мунг бор эди. Нима бўлди десам, айтмади. Кейин онасига айтибди. Адабиётдан бутунлай йироқ биттасига юқори баҳо қўйишибди. Бу нима, болани алдашми? Шуми, Президентимизнинг ишончини оқлаш?», — деб ёзади фойдаланувчи.
Изоҳ (0)