Австралия миллий университети археологи Кристин Кейв замонавий тиббиёт пайдо бўлгунича, кўпчилик одамлар 50 ёшга ҳам етмай вафот этиб кетгани ҳақидаги гаплар уйдирма эканлигини исботлади, деб ёзади «Naukatv.ru».
Кейв скелет қолдиқларига қараб марҳумларнинг ёшини аниқлашнинг янги усулини ўйлаб топди. Тадқиқот доирасида олима одамнинг тишлари қанчалик даражада ейилиб кетганлигини эътиборга олади. Археолог учта англосаксон қабристонига 475 ва 625 йиллар оралиғида дафн қилинган одамларнинг жасадларини ўрганиб чиқишга улгурди, натижалар шуни кўрсатдики, бу одамлар кўпинча жуда қариб қолгунича яшаган. Энг кенг тарқалган ўлим ёши Ўрта асрларда 70 ёш бўлган.
Марҳумларнинг ёши ҳақидаги нотўғри маълумотлар, дейди Кейв, археологларда кекса кишиларни идентификация қилиш усуллари етишмаслиги туфайли келиб чиққан. «Болаларнинг ёшини аниқлашда тишлар пайдо бўлиши ёки суяклар мустаҳкамланиши каби ривожланиш нуқталарига эътибор қаратасиз, буларнинг барчаси муайян ёшда юз беради. Аммо одамлар тўлиқ вояга етиб бўлгач, скелет қолдиқларига қараб уларнинг ёшини белгилаш тобора қийинлашиб бораверади, шу сабабли кўпчилик тадқиқотлар энг кўпи билан 40 ёки 45 дан ортиқ ёш категорияларига эга бўлади», — деди олима.
Изоҳ (0)