Huawei Mate 10 Prо модели Android’да ишлайдиган энг яхши смартфон дея тан олинди

Экспертлар Хитойнинг Huawei Mate 10 Prо моделини Android’да бошқарилувчи энг яхши замонавий смартфон дея тан олди, деб хабар берди «РИА Новости».

Android Authority портал томонидан ўтказилган кенг кўламли синовлар ўз ичига смартфонларнинг техник тавсифларни, ишлаш тезлигини, аккумулятор имкониятлари, нархи, шунингдек, камерасининг тиниқлигини ҳисобга олган. Шу билан бирга суратлар сифати фойдаланувчилар овози орқали аниқланган.

Тадқиқот натижаларига кўра, Huawei Mate 10 Pro финалда 361 балл тўплаб, Samsung Galaxy Note 8 флагманини бир неча баллга (Жанубий Корея смартфони 354 балл тўплаган) ортда қолдирди. Учинчи ўринни эса 337 балл билан OnePlus 5T флагмани эгаллади.

Бундан ташқари рўйхатдан Nokia 8, LG V30, Pixel 2 ХL, Moto Z2 Force, Sony Xperia XZ1, Razer Phone ва BlackBerry KEYOne Black моделлари ўрин олди.