Гильермо дел Торо энг яхши режиссёр номинацияси бўйича «Олтин глобус» билан тақдирланди

Гильермо дель Торо «Сув шакли» фильми учун «Энг яхши режиссёр» номинацияси бўйича «Олтин глобус»ни қўлга киритди, деб хабар берди «Интерфакс».

Мукофотни топширишнинг 75-маросими бугун, 8 январь куни Лос-Анжелесда бўлиб ўтмоқда.

Шунингдек, ушбу йўналиш бўйича мукофотга Мартин Макдонах («Эббинг чегарасидаги учта реклама тахтаси, Миссури»), Кристофер Нолан («Дюнкерк»), Ридли Скотт («Дунёнинг барча пуллари») ва Стивен Спилберг («Махфий ҳужжатлар») даъвогарлик қилди.

«Сув шакли» мелодрамасининг воқеалари 1963 йилда содир бўлади. Бош қаҳрамон — гунг оқсоч аёл илмий лабораторияда сақланувчи амфибия одамни яхши кўриб қолади.

Шунингдек, маросимда Голливуд хорижий матбуот уюшмаси Мартин Макдонахни «Эббинг чегарасидаги учта реклама тахтаси, Миссури» фильмининг сценарийси учун тақдирлади.

Эллисон Женни иккинчи пландаги энг яхши актрисаси дея («Тоня барчага қарши») топилди.

Юен МакГрегор эса «Фарго»даги роли учун «Мини-сериал ёки телефильмдаги энг яхши актёр» йўналиши бўйича ғолиб дея топилди.

«Чегарада» картинаси «Энг яхши хорижий фильм», «КоКо сири» эса «Энг яхши анимацион фильм» номига лойиқ топилди.