Ўзбекистон бош вазири Абдулла Арипов 10—11 январь кунлари Тожикистонга ишчи ташриф билан боради. Бу ҳақда Тожикистон ОАВларига таяниб, UzDaily хабар берди.
Ўзбекистон ҳукумати раҳбари Тожикистон президенти Эмомали Раҳмон ҳамда бош вазир Қоҳир Расулзода билан музокара ўтказади.
Музокаралар давомида томонлар Ўзбекистон Президенти Шавкат Мирзиёевнинг Душанбега уюштириши кутилаётган расмий ташрифини ташкиллаштириш масалаларини муҳокама қилади. Шавкат Мирзиёев Душанбега баҳор фаслининг бошида ташриф буюриши кутилмоқда.
Ўзбекистон ва Тожикистон делегацияси икки мамлакат ўртасидаги савдо-иқтисодий ҳамкорлик, шунингдек, давлат чегарасининг баҳсли ҳудудларини демаркация ва делимитация қилиш ишларини жадаллаштириш масалаларини кўриб чиқади.
Изоҳ (0)