Венесуэла президенти Николас Мадуро дастлабки 100 миллион El Petro миллий криптовалютасининг эмиссия қилиниши (чиқарилиши) ҳақида маълум қилди. Бу ҳақда VTV телеканалига таяниб, «Коммерсант.ru» хабар берди.
«Мен 100 миллион El Petro’ни эмиссия қилиш бўйича кўрсатма бердим… Ҳар бир El Petro 1 баррель Венесуэла нефтининг қийматига тенг бўлади», — деди Николас Мадуро.
Венесуэла криптовалютасини яратиш ҳақида мамлакат президенти 2017 йилнинг 4 декабрида маълум қилганди. Венесуэла ҳукумати бу каби чора-тадбирлар ижтимоий-иқтисодий инқирозни енгиб ўтишда ёрдам беришига умид қилмоқда. Ушбу ташаббус мамлакатда пул муомаласини барқарорлаштириш учун 100 минг боливар купюраси чиқарилганидан бир ой ўтгач юзага келган эди.
Эслатиб ўтамиз, Венесуэлада 2017 йилнинг январидан сентябрь ойига қадар инфлайция даражаси 536 фоизни ташкил этган.
Изоҳ (0)