Мексиканинг Веракрус штатида 5 кишининг қисмларга бўлинган жасади топилди. Бу ҳақда «Известия» хабар бермоқда.
Ҳуқуқ-тартибот идораларига кўра, жиноятчилар Тлакоталпан муниципалитетидаги йўлда такси машинаси капотида 5 та танасидан жудо қилинган бошни қолдирган. Машина ичидан ўлдирилганларнинг тана қолдиқлари солинган қора пакетлар топилди.
Жиноятчилар Мексиканинг «Халиско — янги авлод» картели номидан «мактуб» ҳам қолдирди. Бу қотилликка наркомафия алоқадорлигини кўрсатади.
Маълумот учун, Веракрус штати ўтган йили Мексикада одам ўғирлаш бўйича иккинчи, қотилликлар сони бўйича эса учинчи ўринни эгаллади.
Изоҳ (0)