Тошкент вилоятининг Қибрай тумани, Байтқўрғон посёлкасида жойлашган болалар тагликлари (памперслар) заводида ёнғин содир бўлди. Бу ҳақда «Nuz.uz» хабар бермоқда.
Завод Sof Gigienik компаниясига тегишли бўлиб, бу ерда Jonny Baby савдо белгиси остида маҳсулотлар тайёрланган.
Вилоят ИИБ Ёнғин хавфсизлиги бошқармасига кўра, ҳодиса ҳақида 4 январь куни соат 06:27 да хабар берилган. 2-3 дақиқадан сўнг бир неча ўт ўчириш бригадаси воқеа жойига етиб келди. Ёнғинни бартараф этишда жами 14 та бригада ишлади.
Олов 700 квадрат метрдан ошиқ майдонни қамраб олди. Ҳодисада ҳеч ким жабрланмагани билдирилмоқда. Ҳозирда ёнғин сабабларига аниқлик киритилмоқда.
Изоҳ (0)