2017 йилда гаджетлар ва технологиялар оламида кўплаб оламшумул ҳодисалар юз берди. «Hi-tech Mail.ru» йил якунида ана шу йирик ҳодисаларга эътибор қаратди.
Samsung Galaxy S8 ва S8+ смартфонлари
Фото: «Hi-tech Mail.ru»2017 йилда бир қанча яхши Android смартфонлар тақдим этилганига қарамасдан, нашр Samsung Galaxy S8 ва S8+ смартфонларига йилнинг энг яхши смартфони унвонини берди. Бу қурилмалар Note 7 нинг омадсизлигидан сўнг компаниянинг қайта тикланишига имкон берди.
Янги iPhone ва Face ID
Фото: «Hi-tech Mail.ru»Apple уч йиллик куттиришлардан сўнг янги iPhone’ни тақдим этди. iPhone X ни яратганларнинг энг муҳим қадами Home тугмаси ва Touch ID сканеридан бутунлай воз кечгани бўлди. Уларнинг ўрнини Face ID эгаллади.
DJI Spark дрони
Фото: «Hi-tech Mail.ru»Хитойнинг DJI компанияси дронография соҳасининг кенг қамровли ривожланишига ўз ҳиссасини қўшди. Турли тоифа фойдаланувчиларига мўлжалланган учувчисиз қурилмалар компания томонидан тақдим этилди. DJI Spark дрони ўзининг оддийлиги ва бошқариш учун тушунарлилиги билан фойдаланувчилар орасида ўз ўрнини топди. Вазни 300 граммни ташкил қилувчи дрон Full HD форматида тасвирга олади.
Acer Predator 21Х ноутбуки
Фото: «Hi-tech Mail.ru»
Фото: «Hi-tech Mail.ru»
Acer компанияси нархи 12 минг доллардан юқори бўлган ва ўйинлар учун мўлжалланган Predator 21Х ноутбукини тақдим этди. 21 дююмли экранга эга ноутбук i7-7820HK процессори, 64 гигабайтли оператив хотира, иккита GTХ 1080 видеокарта, механик клавиатура ва алмашадиган тачпад билан жиҳозланган.
Изоҳ (0)