Финляндияда учувчи самолёт эшигининг тасодифан ёпилишидан ҳалок бўлди

Киттиля аэропортида (Финляндия) Gulfstream хусусий самолётининг учувчиси бахтсиз ҳодиса оқибатида ҳалок бўлди, деб хабар берди «РИА Новости».

Нохуш ҳодиса 4 январь, пайшанба куни содир бўлган. Полициянинг маълумотларига кўра, 20 ўриндиқли Gulfstream Г150 ҳаво кемасининг капитани ўз кабинасига кираётганида эшик тасодифан ёпилиб қолган. Олинган жароҳат оқибатида эркак воқеа жойидаёқ вафот этган.

«Самолёт эшигининг айрим қисмлари 10 метрдан узоқроққа учиб кетган. Самолёт бортида нимадир содир бўлган. Воқеа юзасидан бошқа саволлар ҳам туғилди. Биз барча тафсилотларни ўрганмоқдамиз», — дейди Финляндия авиация ҳодисаларини тергов қилиш бюроси вакили Сакари Лауриала.

Ҳалок бўлган учувчининг ёши 50 да бўлган ва у Германия фуқароси ҳисобланади. Бундан ташқари ўша вақтда самолёт бортида ҳеч ким бўлмаган.

Аниқланишича, 2012 йилда ишлаб чиқарилган самолёт Австриянинг Skyline Aviation компаниясига тегишли, бироқ у Киевда рўйхатдан ўтган. Skyline Aviation ушбу самолётни Украинага лизингга берган. У Финляндияга Москвадан келган ва кейинроқ Екатеринбургга учиши керак бўлган.