Сурия армияси халқ лашкари отряди кўмагида 4 январь, пайшанба куни Идлиб жануби-шарқидаги олтита қишлоқни «Жабҳат ан-Нусра» террорчиларидан озод қилди. Бу ҳақда «ТАСС» хабар бермоқда.
Қайд этилишича, ҳукумат кучлари ҳозирда Таманаа туманидаги жангарилар истеҳкомидан 5 километр, Хон-Шейхун шаҳридан 8 километр, «Жабҳат ан-Нусра» ва унинг учун жанг қиладиган «Ахрор аш-Шам» экстремистик гуруҳининг йирик кучлари тўпланган Жиржаназ шаҳридан 13 километр узоқликда жойлашган.
Сурия ҳарбий кучлари қўмондонлиги Идлиб жанубида ҳарбий оператия ўтказишни ўтган йилнинг декабрь ойи сўнггида бошлади. Ҳукумат кучлари 11 кун ичида 36 та қишлоқ устидан назорат ўрнатди.
Туркия билан чегарадош Идлиб вилояти 2015 йилнинг бошида террорчилар томонидан ишғол этилган эди.
Изоҳ (0)