АҚШдаги мусулмонлар сони 3,45 миллион кишига етди

АҚШда сўнгги етти йил ичида мусулмонлар сони 700 минг кишига кўпайди, деб хабар беради «ТАСС».

Маълумотларга кўра, ислом динига эътиқод қилувчи америкаликлар ҳозирги кунда мамлакат аҳолисининг 1,1 фоизини ташкил этади.

«Биз 2007 йилда илк марта АҚШдаги мусулмонлар сонини аниқлаш учун тадқиқот ўтказганимизда, уларнинг сони 2,35 миллион кишини ташкил этган эди. Улардан 1,5 миллион нафари катта одамлар эди. 2011 йилдаги ҳисоб-китобларга кўра, бу рақамлар 2,75 миллион кишига етди. Хусусан, улардан 1,8 миллион нафари катталарни ташкил этди. Кейинги йилларда эса уларнинг сони туғилиш коэффициентининг юқорилиги ва мусулмон давлатлари фуқароларининг АҚШга кўчиб келиши кўпайгани сабаб ортиб бораверди», — деди Вашингтондаги тадқиқот маркази эксперти.

2050 йилга келиб АҚШдаги ислом динига эътиқод қилувчилар сони 8,1 миллион кишига етиши кутилмоқда.

2040 йилда эса ислом дини АҚШдаги асосий диний конфессиялар рўйхатида иккинчи ўринни эгаллайди.