Тошкентнинг Яккасарой туманида Spark автомобили Captiva билан тўқнашиб кетди. ЙТҲ натижасида Spark ҳайдовчиси ва йўловчиси — лицей ўқувчилари ҳалок бўлди, деб ёзади UzNews.
ЙТҲ 29 декабрь куни кечаси тахминан 00:30 да Яккасарой тумани ҳудудида, Кичик ҳалқа йўлида, Узбекнефтегаз автомобилга ёқилғи қуйиш шохобчаси қаршисида юз берди.
Тошкент шаҳар Ички ишлар бош бошқармаси Йўл ҳаракати хавфсизлиги бошқармаси маълум қилишича, 2000 йилда туғилган, Жаҳон тиллари университети қошидаги академик лицейнинг 3-курсида ўқийдиган ҳайдовчи ҳайдовчилик гувоҳномаси ва бошқа зарур ҳужжатлар бўлмаган ҳолда Spark автомобилини бошқарган. У билан бирга автомобилда 2000 йилда туғилган академик лицейнинг 3-курс ўқувчиси, шунингдек, 1999 йилда туғилган, Жаҳон тиллари университети қошидаги академик лицейнинг 2-курс ўқувчиси бўлган.
Эҳтиётсизлик туфайли, ёш ҳайдовчи Captiva автомобили билан тўқнашиб кетган, уни эса 1992 йилда туғилган ҳайдовчи бошқараётган бўлган.
ЙТҲ натижасида Spark автомобили ҳайдовчиси ва 2000 йилда туғилган йўловчи воқеа жойида ҳалок бўлди. Spark’нинг 18 ёшли бошқа йўловчиси турли жароҳатлар билан касалхонага етказилди.
Тузатиш: Дастлабки маълумотларда ҳодиса оқибатида Жаҳон иқтисодиёти ва дипломатия университети (ЖИДУ) қошидаги академик лицейи ўқувчиси ҳалок бўлгани ёзилган эди. Аммо кейинчалик ҳодиса қурбонлари орасида ЖИДУ қошидаги академик лицей ўқувчиси бўлмаганини лицей раҳбарияти «Дарё»га маълум қилди.
Изоҳ (0)