Тошкент юридик коллежининг собиқ директори Наталя Темировага нисбатан 2017 йилнинг октябрь ойида жиноят иши қўзғатилган эди. UZ24’нинг хабар беришича, Тошкент шаҳар ИИББда бўлиб ўтган брифингда ушбу иш бўйича маълумот берилган.
Шаҳар прокуратураси вакили Бобир Деҳқоновнинг маълум қилишича, Наталя Темирова айни вақтда қамоқда сақланмоқда. Тергов жараёни давом этмоқда.
Темирова 25 ноябрь куни Жиноят кодексининг 167-моддаси 3-қисми «а» банди, 205-моддаси 1-қисми, 206-моддаси 1-қисми, 209-моддаси 2-қисми «а» банди билан боғлиқ жиноятларни содир этганликда гумон қилиниб, қўлга олинган.
Унга нисбатан давлат бюджети маблағларини йирик миқдорда талон-торож қилиш, коллежга ноқонуний йўл билан ўқишга кирган ўқувчиларга дипломлар бериш каби айбловлар илгари сурилмоқда.
Изоҳ (0)