Ўзбекистон Давлат солиқ қўмитаси (ДСҚ) раиси Ботир Парпиев ўз ихтиёри билан ишдан бўшаш ҳақида ариза ёзгани ҳақидаги хабарлар рад этилди. Бу ҳақда «Xabar.uz» хабар бермоқда.
Хабар беришларича, бир қатор маҳаллий ва хорижий интернет-нашрларда ДСҚ раиси Ботир Парпиев ўз ихтиёри билан ишдан бўшаш тўғрисида ариза ёзгани ҳақида хабарлар тарқалган.
«Xabar.uz» таҳририяти бу гап-сўзларга аниқлик киритиш мақсадида, ДСҚ ахборот хизматига мурожаат қилган.
У ердан маълум қилишларича, бу каби хабарлар мутлақо ёлғон ва ҳеч қандай асосга эга эмас. Ҳозирда солиқ тизимида бир қатор ислоҳотлар амалга оширилмоқда. Ботир Парпиевнинг саломатлиги ҳам яхши, у олдингидан-да кўпроқ ғайрат билан меҳнат қилаётгани айтилди.Тошкент вақти билан 29 декабрь, соат 16:35 ҳолатига кўра, қўмита ахборот хизмати ўз расмий сайтида бу мавзу юзасидан бирор ахборот бермаган эди.«Xabar.uz»да эълон қилинган хабардан иқтибос
Маълумот учун, 71 ёшли Ботир Парпиев 2004 йил февралидан бери Ўзбекистон Давлат солиқ қўмитаси раисидир. У бунгача ички ишлар вазири ўринбосари (1998—2002 йилларда), фавқулодда вазиятлар вазири (2002), Давлат божхона қўмитаси раиси (2002—2004) лавозимларида ишлаган.
Изоҳ (0)