2018 йилдан бошлаб Ўзбекистонда иккала ҳайит кунларида уч кундан дам олиш кунлари белгиланди. Бу ҳақда Ўзбекистон Президентининг «2018 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида»ги фармонида айтилди, деб хабар беради ЎзА.
«Халқимизнинг маънавий ҳаётида олийжаноблик, миннатдорчилик, эзгулик, раҳмдиллик, ҳамжиҳатлик фазилатлари белгиланишида муқаддас Қурбон ҳайит ва Рамазон ҳайит байрамларининг муҳимлиги ва аҳамиятини инобатга олган ҳолда, миллий-маънавий қадриятларимизни юксалтириш ва сақлаб қолиш мақсадида 2018 йилдан бошлаб айрим дам олиш кунларини байрам кунларига яқин бўлган иш кунларига кўчириш ҳисобига узлуксиз уч кунлик дам олиш кунлари белгиланиши кўзда тутилмоқда», — дейилади ҳужжатда.
Олдинроқ 2018 йилдан бошлаб Янги йил, Наврўз ва Мустақиллик байрамларида беш кундан дам олиш белгилангани хабар қилинган эди.
Изоҳ (0)