Сурия ва Ироқда ИШИД террорчилик гуруҳининг мингга яқин жангарилари қолмоқда. Бу ҳақда Америка қуруқликдаги қўшинлари полковниги Райан Диллон маълум қилди, деб ёзади «ТАСС». У ушбу араб мамлакатларида АҚШ раҳбарлигидаги давлатлар гуруҳи томонидан олиб борилаётган Inherent Resolve («Мустаҳкам қатъият») операциялари штаби расмий вакилидир.
«Бизнинг сўнгги ҳисоб-китобларимизга кўра, бир мингга яқин жангарилар ҳамон Ироқ ва Сурияда қолмоқда», — деди офицер.
Унинг сўзларига кўра, коалиция кучлари ҳозирда тарқоқ бўлиб қолган экстремистлар гуруҳларининг кутилмаган ҳужумларни амалга оширишга уринишлари олдини олишга бор эътиборини қаратмоқда.
Аввалроқ Диллон Ироқ ва Сурияда ИШИД босиб олган ҳудудларнинг 98 фоизини озод этишга муваффақ бўлинганини айтган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)