ЎФФ президенти Умид Аҳмаджонов катта маош олаётган футболчиларни ўз устида ишламай қўйганликда айблади. Улар катта ойликдан ташқари кўтарма пулларини ҳам қўлга киритади, бироқ халқ учун ўйнамайди, деб айтиб ўтган «Газета.uz» нашридаги интервьюсида.
ЎФФ президенти: Ўзбекистонлик футболчилар чилим чекади, чойхонадан тунда келиб, тонгда ухлайди. Тартиб йўқ
Кўп футболчилар янги клубга ўтаётганда катта миқдорда кўтарма пули олади. Бу шунчаки шартномага қўл қўйгани учун бериладиган пул. Футболчиларнинг трансферлари учун клублар 200—400 миллионлаб сарф этади.Аҳмаджонов ЎФФ тепасига келиши олдидан, фаолиятини «Пахтакор» футбол клубида бошлаганди. Кейинроқ у хорижий сафарларга шу клуб президенти Бобур Шодиев билан бирга борадиган бўлди. Бунинг сабаби нимада?Мана шу футболчилар 15—20 миллион сўм ойлик-маош олади. Одамлар бу каби катта пуллар ҳақида ҳатто билмайди ҳам. Ваҳоланки, футболчилар ўз устида ишлаши, халқ олдида бунга жавоб бериши керак. Бу уларнинг вазифаси.
Бироқ бизнинг футбол халқ учун эмас, футболчиларнинг ўзи учундек таассурот уйғотади. Системани ўзгартириш керак. Биз уларни уйғотмоқчимиз. Яхшиси олдин меҳнат қилсин, югурсин, халқ меҳрини қозонсин. Улар нима қилишяпти? Яхши пул олади, 10—15 кун хорижда йиғин ўтказади ва яна шу руҳда ўйнайверади. Тартиб-интизомнинг бўлиши шарт.
Умид Аҳмаджонов, ЎФФ президенти
Футбол клубини молиялаштириш осон иш эмас. Масалан, Шодиев «Пахтакор»ни ўз ҳисобидан молиялаштиради. Шодиевлар мамлакатнинг ҳақиқий ватанпарварлари. Нега мен халқаро учрашувларга айнан Бобур Шодиев билан бирга бораман? Чунки унинг бутун дунёда обрўси бор. Биз бошқа мамлакатда бўлаётганимизда, уларнинг савиясида тура олишимиз муҳим. Биз бу каби ҳамфикрларимиз билан ғурурланишимиз керак.Умид Аҳмаджонов, ЎФФ президенти
Изоҳ (0)