Ҳиндистон ҳуқуқ-тартибот идоралари Жамму ва Кашмир штатида «Жайши Муҳаммад» террорчи гуруҳи етакчиси Нур Муҳаммад Тантрайни йўқ қилди. Бу ҳақда штат полицияси маълум қилди, деб хабар беради «ТАСС».
25 декабрь, душанба куни хавфсизлик кучлари Сумбура аҳоли пунктидаги бир қатор уйларни қуршовга олди. Отишмада йил давомида туркум терактлар, жумладан, Сринагар аэропортида чегара кучлари лагерига ҳужум уюштирган 47 ёшли Тантрай ўлдирилди.
«Биз учун бош оғриғига айланган Тантрайнинг йўқ қилиниши катта муваффақият ва террорчи гуруҳга жиддий зарба. Бу Кашмир жанубидаги Пулвама округида ин қурган айирмачиларга қарши курашдаги муҳим босқич. У ерда маҳаллий аҳоли вакилларидан бўлган агентлар ёрдамида жангариларнинг йирик минтақавий тармоғи фаол ҳаракат олиб боради», — дейди Жамму ва Кашмир штати полицияси бош инспектори Мунир Хон.
Изоҳ (0)