Ўзбекистон футбол федерацияси президенти Умид Аҳмаджонов «Газета.uz» нашри билан суҳбатда бўлиб, бир қатор масалаларда очиқ фикрлар билдирди.
Президент, жумладан, футболдан номуайян муддатга четлатилган Вадим Абрамов масаласига ҳам тўхталиб ўтди. Унинг баён қилишича, Абрамов каби эскича фикрлайдиган мутахассисларга ўзбек футболида жой йўқ.
Федерацияда раҳбарият алишганига 3 ой тўлди. 26 йил давомида эса футбол фақат ортга қараб кетган.Вадим Абрамов ўз вақтида Ўзбекистон миллий ва олимпия термаларига бошчилик қилганди. Аҳмаджонов ўз интервьюсида ўша даврларни ҳам эслаб ўтган.Ҳозир биз 12 та жамоа иштирок этадиган янги чемпионат ҳақида бош қотирмоқдамиз. Баъзилар эса 16 клублик эски форматни қолдириш тарафдори. Айтишларича, яна бир йил кутиш керак экан. Хўш, бу нима беради? Нега энди яна кутишимиз керак? 26 йил давомида қотиб қолган футбол нега яна 3—4 йилини йўқотиши керак?
Вадим Абрамовнинг эскича фикрлаши замонавий футболдан ортда қолиб кетган. Ўйлашимча, ўзбек футболига унинг каби инсонлар керак эмас. Унинг жамоаси 15-ўринни қўлга киритиб, Про-Лигага тушиб кетгани учун ҳам 16 жамоалик форматни қўллаб-қувватлаяпти. Чунки қуйи лигада ишлашни хоҳламаяпти. Нега энди вақтлироқ уйғонмади? Агар ишининг устаси бўлса, жамоасини қайта Супер Лигага олиб чиқишга уриниб кўрмайдими? Ишлашни истамайсанми, ёшларга йўлни бўшат! У билан келишаверсак, олдинга қадам ташлолмаймиз.
Умид Аҳмаджонов, ЎФФ президенти
Ҳар бир қадамда ФИФА ва ОФК билан келишган ҳолда, халқаро тажрибадан фойдаланишга ҳаракат қилмоқдамиз. Футболи ривожланган мамлакатлар футболини ўрганмоқдамиз. Абрамов эса ўз вақтида миллий ва олимпия термаларини бошқарганди. Нега ўша вақтда ўз ғояларини амалга тадбиқ қилмади? Ахир ўзбек футболи ортга қараб кетаётганини кўриб турганди-ку.У қолганларга ўрнак бўлсин. Бизда Абрамов қилган ишлар борасида етарлича ахборот бор. Тез орада унинг каби талабга жавоб бермайдиган яна бир қатор мураббийларнинг лицензиясини ҳам тортиб оламиз.
Умид Аҳмаджонов, ЎФФ президенти
Изоҳ (0)