«Справедливая Россия» партияси президентликка ўз номзодини илгари сурмайди, балки Владимир Путиннинг номзодини қўллаб-қувватлайди. Бу ҳақда партия етакчиси Сергей Миронов маълум қилди, деб ёзади «Интерфакс».
«Бугун президиум сиёсий қарор қабул қилди, бу қарор қурултойга тавсия қилинади: партия ўз номзодини илгари сурмайди, биз Владимир Владимирович Путиннинг номзодини қўллаб-қувватлаймиз», — деди Миронов.
«Бизнинг вакилларимиз ташаббус гуруҳига ва у ёки бу штаб тузилмаларига киради, чунки биз энди умумий номзодимиз учун тарғибот олиб борамиз, ва бу қандай бўлишини иш тартибида ҳал қиламиз, аммо бунинг амалга ошишига мен шубҳа қилмайман», — дея қўшиб қўйди «Справедливая Россия» партияси етакчиси.
Изоҳ (0)