Москва вилоят суди Россияда биринчи бор наркотиклар савдоси учун умрбод қамоқ жазосини белгилади. Бу ҳақда суд матбуот котиби Наталья Осипова маълум қилди, дея хабар беради «ТАСС».
«Суд Тожикистон фуқароси Шерали Табаровга умрбод озодликдан маҳрум этиш жазосини тайинлади. Жазо қаттиқ тартибли колонияда ўталади», — деди Осипова.
Мазкур жиноий ишнинг бошқа қатнашчилари 6 йилдан 25 йилгача қамоқ жазосига ҳукм қилинди. Яна 5 киши халқаро қидирувга берилди.
15 кишидан иборат жиноий гуруҳга етакчилик қилган Шерали Табаров Афғонистон ва Тожикистондан Россияга умумий ҳисобда 600 килограм героин етказиб беришда айбланди.
Изоҳ (0)