«Касперский лабораторияси» экспертлари мобил троянлар ичида ҳақиқий «терминатор»ини топди, деб ёзади Hi-Tech Mail.Ru. Loapi деб ном олган зараркунанда қурбонни пулли сервисларга обуна қилишдан тортиб, криптовалюта орттиришгача бўлган зарарли хатти-ҳаракатларнинг чекланмаган тўпламини амалга оширишга қодир. Ҳаддан ташқари катта юклама натижасида смартфон аккумулятори портлаб кетади.
Loapi реклама кампаниялари ёрдамида тарқалади, улар вирусни ёвуз ниятлилар сайтларидан юклаб олишни таклиф қилади. Ҳозирда бундай манбалар 20 га яқин, улар антивируслар саҳифалари, шунингдек, катталар учун сайтлар ниқоби остига яширинган. Улардан юклаб олинадиган троян ҳам мобил ҳимоя ёки катталар учун дастурларни ўзига ниқоб қилиб олади.
Ўрнатиб бўлингач, Loapi администратор ҳуқуқини сўрайди, ҳуқуқ бермасликнинг иложи ҳам йўқ — вирус бошқа вариантни танлашга йўл қўймайди. Агар фойдаланувчи Loapi’дан администратор ҳуқуқини олиб қўйишга уринса, у қурилма экранини блоклайди ва созламалар ойнасини ёпиб қўяди.
Энг хавфлиси шуки, экспертлар таъкидлашича, трафик генерацияси модули ва майнер смартфонга шунчалик кўп «юк ортадики», қурилма аккумулятори трояннинг икки кунлик «фаолияти»дан кейин тўғри маънода портлаб кетади.
Изоҳ (0)