Жаҳондаги энг йирик самолёт илк бор учиш-қўниш йўлагига олиб чиқилди (видео)

Калифорниянинг Мохаве аэрокосмик портида жаҳондаги энг йирик самолёт — Stratolaunch ракета ташувчисининг учиш-қўниш йўлагидаги синови бўлиб ўтди.

«Корреспондент.net» хабарига кўра, воқеанинг 34 сониялик видеоси америкалик ишбилармон, Microsoft компанияси асосчиларидан бири Пол Аллен томонидан эълон қилинган.

.@Stratolaunch turned onto the Mojave Air and Space Port runway center line yesterday and successfully conducted its first taxi test. More to share soon! pic.twitter.com/JEs1grBnK5

— Paul Allen (@PaulGAllen) December 18, 2017

Бу самолётнинг илк парвози арафасидаги сўнгги синов эди. Самолёт 2019 йилдан бошлаб мунтазам равишда парвоз қилиши кўзда тутилган.

Stratolaunch’нинг 28 шассиси бор. Унинг оғирлиги — 250 тонна, қанотларининг умумий узунлиги — 117 метр. Бу самолёт ракеталарни юқори баландликка олиб чиқиб, уларни космосга учиришга мўлжалланган.