Хитойлик компьютер ўйинлари яратувчилари сўнгги 12 ой ичида дунё бозорида салкам 55 миллиард юан (8,2 миллиард доллар атрофида) даромадга эга бўлди. Бу ҳақда «ТАСС» хабар бермоқда.
Бу ўтган йилга нисбатан 14,5 фоизга кўп деганидир.
«Хитойлик ишлаб чиқарувчилар компания ҳажмидан қатъи назар хорижга чиқишга уринмоқда. Хитойлик айрим ишлаб чиқарувчилар маҳсулот экспорти ҳажмини кенгайтириш усули билан дунё бозорига интилмоқда, бошқалари эса халқаро майдондаги ўрнини хорижий ҳамкорларни жалб этиш йўли билан мустаҳкамлашга ҳаракат қилмоқда», — дейилади хабарда.
Хабарда қайд этилишича, Хитой онлайн-ўйинлар дунё бозорида муҳим аҳамиятга эга. Сўнгги пайтларда Хитой ўйинлари Россия, Корея, Япония, Яқин Шарқ ва Жануби-Шарқий Осиё, шунингдек Европа мамлакатларида оммалашмоқда.
Хитой ҳукумати таҳлилчиларининг фикрича, хорижий аудиторияда мамлакатда яратилган King of Glory ўйини катта қизиқиш уйғотган.
Изоҳ (0)