SplashData компанияси анънавий тарзда йилнинг 100 та энг ишончсиз пароллари рейтингини эълон қилди, деб ёзади CSO.
Рейтингни тузиш учун SplashData мутахассислари 2017 йилда бузиб очилган қарийб 5 миллионта паролни таҳлил қилиб чиқди. Кетма-кет тўртинчи марта рейтингда 123456 пароли етакчилик қилмоқда. Иккинчи ўринда password («пароль») жойлашди, учинчи ўрин эса 12345678 га насиб қилди.
Таъкидланишича, бу йил фойдаланувчилар «Юлдузлар жанги» киноэпопеяси билан боғлиқ паролларни оммавий равишда қўллашни бошлаган. «Starwars («юлдузлар жанги») паролини қўллаш хавфли. Хакерлар оммавий маданият сўзлари ва атамаларидан фойдаланади, чунки улар одамлар шунга ўхшаш осон эсда қоладиган сўзларни қўллашини билади», — деди SplashData раҳбари Морган Слейн.
Изоҳ (0)