Қирғизистонлик чегарачилар ўзбек-қирғиз чегарасини Жалолобод туманидаги «Маданият» назорат-ўтказиш пунктида сунъий навабатни юзага келтирмоқда. Бу ҳақда воқеа гувоҳларидан бирига асосланиб, K-News хабар берди.
Чегарани кесиб ўтмоқчи бўлганлардан 200 қирғиз соми (23 минг ўзбек сўми атрофида)талаб қилинмоқда, бу пуллар назорат-ўтказиш пунктини тезроқ кесиб ўтишга ёрдам бериши айтилмоқда. Гувоҳнинг сўзларига кўра, ушбу пулни тўлаган одамлар ҳеч қандай муаммоасиз чегарадан ўтаётган бўлса, қолганлар анча вақт навбатини кутиб турибди.
«Паспорт шунчаки сканер қилинадиган замонавий дунёда қандай қилиб узоқ вақт кутиш мумкин? Ўзбек чегарачилари бизга нисбатан яхши муносабатда бўляпти. Одамларни яхши кутиб олиб, яхши кузатмоқда, бизникилар эса…», — дейди гувоҳ.
Андижон вилояти божхона бошқармаси тасарруфидаги «Маданият» чегара божхона пости Ўзбекистон Президенти Шавкат Мирзиёевнинг 5—6 сентябрь кунлари Қирғизистонга амалга оширган ташрифидан сўнг қайта иш бошлаганди.
Изоҳ (0)