2016 йилда Бирлашган Миллатлар Ташкилотининг Ўзбекистондаги ваколатхоналари ва Ўзбекистон ҳукумати биргаликда ижтимоий ҳимояга муҳтож аҳолининг эҳтиёжларини қаноатлантириш мақсадида ишчи гуруҳини ташкил қилган эди, деб хабар беради ЮНИСЕФнинг Тошкентдаги ваколатхонаси матбуот хизмати.
18 декабрь куни ЮНИСЕФнинг Тошкентдаги ваколатхонасида мазкур гуруҳнинг йиғилиши бўлиб ўтди.
Ресурсларни янада самарали бирлаштириш мақсадида биринчи бор бундай йиғилишда донор ташкилотларнинг вакиллари ҳам иштирок этди.
Аҳолини ижтимоий ҳимоя қилиш бўйича ҳукумат сиёсати ва ташаббусларини бундан буён ҳам қўллаб-қувватлаш мақсадида ҳамкор ташкилотлар ўртасидаги ўзаро тушуниш ва диалогни янада ошириш муҳимдир. Бу донорлар фаолиятини ҳам яхшироқ мувофиқлаштириш имкониятини беради.Йиғилиш иштирокчилари 2016—2017 йилларга мўлжалланган тадбирларнинг натижаларини кўриб чиқиб, уларни қониқарли деб баҳолади. Бу ҳукумат ва Ўзбекистондаги БМТ ваколатхоналари аҳолининг энг заиф гуруҳларини қўллаб-қувватлашга содиқлигини яна бир бор намойиш этишини таъкидлади.Саша Грауманн, ЮНИСЕФнинг Ўзбекистондаги ваколатхонаси раҳбари ва ишчи гуруҳининг ҳамраиси
2016—2017 йилларга мўлжалланган иш режаси БМТнинг Ўзбекистон ҳукуматига бир қатор соҳаларда кўрсатаётган ёрдамини қамраб олади. Ногиронлиги бўлган инсонларнинг аҳволини таҳлил қилиш учун тадқиқот ўтказиш, молия ресурсларини бошқариш бўйича ислоҳотларни амалга оширишдаги кўмак, оилаларни қўллаб-қувватлаш хизматлари моделларини тадбиқ этиш, ёлғиз қариялар эҳтиёжларини баҳолаш стандартларини, шунингдек қийин ҳаётий шароитдаги аёллар ва болаларга хизмат кўрсатиш бўйича йўриқномаларни ишлаб чиқиш шулар жумласига киради.
Изоҳ (0)