Tesla ва SpaceX компаниясининг асосчиси Илон Маск янглишиб телефон рақамини Twitter’га жойлаштирди. Бу ҳақда Bloomberg агентлиги хабар берди, деб ёзади «РБК».
Твитни Маскнинг барча обуначилари (16,7 миллион киши) кўриши мумкин эди, бироқ у рақамни тезда ўчирди.
Bloomberg Маск твитида кўрсатилган рақамга қўнғироқ қилишга муваффақ бўлди. Чақирувчи сигналдан сўнг автоматик жавоб қайтариш тизими ишга тушган ва God of War видеоўйинидан парча янграган.
Агентликнинг аниқлик киритишича, Маск Oculus компанияси техник директори Жон Кармакка хабар юбормоқчи бўлган. Кармак виртуал реаллик технологияларини ишлаб чиқариш билан шуғулланади. «Гаплашишга сониянг борми? Менинг рақамим…», — деб ёзади Маск твитида.
Маскнинг хатоси у эҳтимол Кармакни ўз компаниясига таклиф қилмоқчи ёки Oculus билан ҳамкорлик эҳтимолини муҳокама қилмоқчи бўлгани ҳақидаги шубҳани юзага келтирди.
Изоҳ (0)