18—19 декабрь кунлари Тошкент вилояти аҳолиси билан Ўзбекистон Республикаси Давлат бошқаруви органлари раҳбарлари томонидан «Суд-ҳуқуқ тизимларида коррупция ва хизмат мавқейини суиистеъмол қилишга қарши кураш, адолатли жамият қуришда фуқароларнинг қонуний манфаатларини ҳимоя қилиш муаммолари» мавзусида сайёр қабуллар ўтказилди. Бу ҳақда Ички ишлар вазирлиги матбуот хизмати хабар бермоқда.
Мазкур қабулда жами 2 минг 81 нафар фуқаролардан миграция ва фуқароликни расмийлаштириш, ички ишлар органларига хизматга қабул қилиш, ички ишлар органларига қайта тиклаш ва бошқа масалаларга оид мурожаатлар қабул қилинди.
Жумладан, Ўзбекистон Республикаси ички ишлар вазири Пўлат Бобожонов томонидан ўтказилган сайёр қабулларда иштирок этган жами 666 нафар фуқаролардан 614 нафари турли масалалар билан мурожаат этган. Шундан 214 таси ички ишлар органларига тааллуқли бўлиб, мурожаатларнинг 47 таси жойида ҳал этилди, 167 таси бўйича тушунтириш берилди.
«Фуқароларнинг мазкур мурожаатлари батафсил ўрганиб кўриб чиқилади ва қисқа муддатларда қонунда белгиланган тартибда қонуний қарорлар қабул қилинади ҳамда бу ҳақда албатта ариза муаллифларига маълум қилинади», — дейилади хабарда.
Изоҳ (0)