АҚШ Саудия Арабистони пойтахтининг Яман исёнчи хусийлари томонидан ракетадан ўққа тутилишини кескин қоралади. Вашингтоннинг таъкидлашича, улар қуролни Эрондан олмоқда. Бу ҳақда 19 декабрь, сешанба куни Давлат департаменти матбуот хизмати раҳбари Хезер Ҳауэрт томонидан тарқатилган баёнотда маълум қилинди, деб ёзади «ТАСС».
«Эрондан замонавий қурол-аслаҳа олаётган хусийларнинг тажовузкор ҳаракатларидан ҳамон жуда хавотирдамиз. Бу ҳудудий хавфсизлик учун таҳдид юзага келтирмоқда ва Яманда можаро давом этишига сабаб бўлмоқда. Қўшма Штатлар «Ислом инқилоби қўриқчилари» корпусини хусийларга Яман қўшнилари, жумладан Саудия Арабистонига нисбатан тажовузкорлик кўрсатиш имконини берувчи қурол билан таъминлашни тўхтатишга чақиради», — дея таъкидлайди Науэрт.
У, шунингдек, Яманда барқарорликка фақат сиёсий ечим туфайли эришиш мумкинлигини маълум қилади. «Барча томонларни зудлик билан ҳарбий ҳаракатларни тўхтатишга чақирамиз», — дейди у.
Изоҳ (0)